新日記既開始...
一切都係簡簡單單的...

我係一個點樣既人...
係 ~~~ 我係一個有少少怪既人...
如果係認識我夠耐的話 !

係尋晚,
一個認識左十二年既朋友問左一個令我啞既問題:
"點解個個識你既人比你既"評語"會差咁遠既?"
wa ~ 點知呀?
諗左好耐, 我比左個答案佢:
"可能係因為我個人怪掛! 我成日都覺得...每一個我新相識既人都要抽一枝纖 ! 一枝令我決定比邊面佢睇既纖...好多時候, 連我自己都唔知道我會比邊一個我比佢睇...可能溫柔, 可能粗暴, 可能白痴, 可能聰明..."

我就係一個咁既人...
兩年...月有兩年既時間"浪費"左...
我用左兩年既時間去搵一個有關人生既答案...
我無後悔過,
因為我清楚我自己,
如果我一日搵唔到答案,
我會好似好多人一樣...
工作, 結婚, 生仔...死 ~~~
有一個女仔同我講過:
"人生出lai係等死!"(一個叫平平既女仔)
某程度上, 我好同意...

呢兩年發生過好多事,
每一件我都有好好咁細味過 !
人每日都係0係錯同對之間,
再唔係就係埋首於過去同未來...
我用兩年時間係一個好例子...
錯la ~~~ 原來人..."活在當下"先係最重要的...

我已經明白l!..正準備好...
再一次進入自己既生活...
工作, 戀愛...因為, 我已經唔再係悲觀既女仔...
無動力0既我已經死左la~~~
第一樣野我要做既係 ~ 搵一份工 !!!
一份對我lai講...真正既正作 !!!